Was meine Fahrschüler/innen sagen. Sie erzählen dir aus erster Hand, wie ich sie auf ihrem Weg zum Führerausweis begleitet habe und was sie bei READY TO DRIVE erlebt haben.
Ig ha dr Daniele empfohle becho vo Kollege und scho dert nur guets vo ihm kört. Woni de säuber bi ihm Fahrstunde gno ha, isches nomau bestätiget worde, wie geduldig, verständnisvoll und offe er isch. Er isch e super Fahrlehrer wo immer für Frage offe isch und eim mit sire glassene Art bi stressige Situatione cha abehole.
Ig cha ihn nume wiiter empfähle!
Ig ha mi bim Daniele gmäudet, um es paar Töffstunge z'näh und ig bi froh, bini zue nim cho. D'Töfflektione si stets effizient, lehrrich und entspannt gsii. Aaregige und Wünsch vo mire Siite si sofort umgsetzt worde und er het mi ideau uf d'Füehrerprüefig vorbereitet. Ig ha viu dörfe lehre, es paar "Aha-Erläbniss" dörfe ha und ou Unsicherheite chönne überwinde. Dr Daniele isch stets sehr geduudig und vrständnissvou gsii und gliichziitig het me sini Freud am Töfffahre und Ungerrichte geng gmerkt. 🙂
Danke viu mou! Für mi het sech jedi Lektion glohnt! 🙂
I Danke dir für dini Geduld, diner Ratschleg und di tolle Fahrstunde!
I cha di numme härzlech witerempfälä, witer so!🙌🏼 I wünsche dir witerhin z bestä und viu Erfolg im Läbä!😊
I danke dir für dini Ratschläg u für dini Gedud mit mir haha! Es het mega spass gmacht mit dir und i danke dir eifach für aues! Merci und i wünshe dir witterhin aues guete!
Ig bi immerno glücklech, dsi grad genau di aus mi Fahrlehrer ha verwütscht. Für mi het eifach würk aues gstumme. Du heschdi nie la usdr Ruhe bringe, bisch immer für aui Frage offe und heschmi optimau chöne ufe Alltag im Verkehr, nachdr praktische Prüefig, vorbereite. Ds aues zu ächt faire Konditione. Merci viu mau für ds 1A coaching und di tolli Zit!
Dr Daniele isch e super Fahrlehrer. Ging gedoudig und agnehm im Umgang. Het mir hönne viu chönne byybringe und empfihle ihn oh wermstens! Merci für die lehrriche und agnheme Fahrstunde 🙂
Ig cha di Daniele nume wärmschtens witerempfähle. Du bish fachlech sowie mönschlech top und ig ha immer sehr viu Spass mit dir ka. Durch dini kompetänti und humorvolli Art, lehrt meh d Sache sehr schnäll und meh gspürt dini Lideschaft drhinger. Das macht die sehr sympathisch. Ig bedanke mi nomal uf däm Wäg härzlech für di riese Bitrag zu mim Erfolg. Ig wünsche dir viu erfolg und aues Guete! 🙂
Ouso I ha im Juni 2018 diä grossi Töffprüäfig (Kat. A) gha u bim Daniele no ä paar Fahrstungä gno u cha nä ouso o numä wärmschtens empfählä: Fachlich top, die Ruhe selbst, coolä Typ, geduldig we mä mou öppis nid cha, eifach wiä's söu si......
Danke no mau u viu Erfoug mit dirä Fahrschueu......
I cha di Daniele numä witer empfähle. Du hesch viu geduld,e ruhigi agnähmi Art und mä lernt würcklech aues wome brucht zum guet u sicher outo zfahre. i bi säubstsicher und ruhig a di praktischi prüefig dank dir. Merci
Herzlichen Glückwunsch an alle, die ihre Fahrausbildung und die praktischen Grundkurse erfolgreich gemeistert haben. Ihr habt einen wichtigen Meilenstein auf eurem Weg zur sicheren und selbstständigen Mobilität erreicht.
Geniesst die Freiheit, den Fahrtwind und jede Kurve. Bleibt vorausschauend, fahrt sicher und habt Spass auf euren Touren. READY TO DRIVE wünscht euch allzeit gute Fahrt!
